Copper ဓာတ်သည် အစားအစာမျိုးစုံတွင် အနည်းနဲ့အများပါဝင်ပြီး ခန္ဓာကိုယ်မှလည်း Copper ဓာတ်ကို အနည်းငယ်လောက်သာ လိုအပ်တဲ့အတွက် သာမန်ကျန်းမာတဲ့လူတွေမှာ Copper ဓာတ်ချို့တဲ့ခြင်းသည် ဖြစ်ခဲပါတယ်။ သို့သော်လည်း အချို့သောရောဂါများနှင့် အခြေအနေများက ချို့တဲ့မှုကိုဖြစ်စေပါတယ်။

• Copper ဓာတ်၏ ဇီဝကမ္မဖြစ်စဉ်သည် မွေးစကတည်းကပင် ချို့ယွင်းချက်ရှိနေခြင်း၊

• Copper ဓာတ်ကိုစုပ်ယူခြင်းတွင် အနှောင့်အယှက်ဖြစ်စေသော ရောဂါများရှိခြင်း၊

• ဇင့်ဓာတ် နှင့် ဗီတာမင်စီကဲ့သို့သော အားဖြည့်ဆေးများ အလွန်အကျွံသောက်ခြင်း၊

• အသက်အရွယ်ကြောင့် အစာအာဟာရကို ကောင်းစွာမစားနိုင်ခြင်း၊

• ပါးစပ်မှ အစားမစားနိုင်၍ ဆေးသွင်းပြီးနေကြရသူများတွင် ချို့တဲ့နိုင်ပါတယ်။

Copper ဓာတ်ကြွယ်ဝတဲ့အစားသောက်များကတော့

• အမဲ အသည်း

• ကမာကောင်၊ ခုံးကောင်၊ ခရု၊ ဂဏန်း

• အစေ့အဆံများဖြစ်သော - သီဟိုစေ့၊ နေကြာစေ့၊ သစ်ကြားစေ့၊ ဗန်ဒါစေ့၊ 

• ချောကလက်

• အာလူး

• မှို

• ကုလားပဲ

• တို့ဖူး တို့တွင်များစွာ တွေ့ရပါတယ်။  

Copper ဓာတ်ချို့တဲ့ပါက

• သံဓာတ်အားနည်းခြင်း 

• အရိုးများပါးခြင်း

• အရိုးကျိုးလွယ်ခြင်း

• ကိုယ်ခံအားစနစ်အားနည်းလာခြင်း

• နှလုံးကြွက်သားများအားနည်းခြင်း

• အရေပြားအရောင်ဖျော့လာခြင်း

• သိုင်းရွိုက်နှင့်ပတ်သက်သော ရောဂါများဖြစ်စေနိုင်ပါတယ်။