နေ့စဉ် ဗီတာမင် အေ လိုအပ်ချက်များမှာ-

• မွေးစမှ - ၆ လထိ = 400 mcg

• အသက် ၆လ - ၁ နှစ် = 500 mcg

• အသက် ၁ - ၃ နှစ် = 300 mcg

• အသက် ၄ - ၈ နှစ် = 400 mcg

• အသက် ၉ - ၁၃ နှစ် = 600 mcg

• အသက် ၁၄ - ၁၈ နှစ် = 700-900 mcg

• ၁၈ နှစ် အထက် = 700-900 mcg

• ကိုယ်ဝန်ဆောင် မိခင် = 750 mcg

• နို့တိုက် မိခင် = 1300 mcg တို့ လိုအပ်ပါတယ်

ဗီတာမင် အေ ချို့တဲ့ခြင်း၏ လက္ခဏာများ-

• ဗီတာမင် အေ ဓာတ်ပါသော အစားအစာများ လုံလောက်စွာ မစားသုံးနိုင်ခြင်းနှင့် ခန္ဓာကိုယ်မှ လျင်မြန်စွာ သုံးစွဲခြင်းတို့ကြောင့် ဗီတာမင် အေ ဓာတ် ချို့တဲ့နိုင်ပါတယ်။ ကိုယ်ဝန်ဆောင်များ၊ နို့တိုက် မိခင်များ နှင့် ကလေးများ အထူးသဖြင့် အသက် ၅ နှစ်အောက်တွင် ချို့တဲ့မှုပို၍ ဖြစ်ပွားတတ်ပါတယ်။

• ဗီတာမင် အေ ချို့တဲ့ခြင်း၏ ဦးဆုံးလက္ခဏာ အနေဖြင့် ညအခါတွင် မမြင်ရခြင်းများ (Night blindness)၊ အသားအရေများ ခြောက်သွေ့ ကြမ်းတမ်းလာခြင်း၊ မျက်လုံးများ ခြောက်ခြင်း နှင့် ရောဂါပိုးများ ဝင်လွယ်ခြင်း တို့ ဖြစ်တတ်ပါတယ်။

• မျက်ကြည်လွှာကဲ့သို့သော မျက်စိအင်္ဂါအစိတ်အပိုင်းများကို ထိခိုက်ပျက်စီးစေပြီး ပိုမိုဆိုးရွားလာပါက မျက်စိကွယ်သည်အထိ ဖြစ်ပေါ်လာနိုင်ပါတယ်။

• အထူးသဖြင့် ကလေးများတွင် ဗီတာမင်အေ ချို့တဲ့ပါက အမြင်အာရုံချို့တဲ့ခြင်း၊ ဝက်သက်ရောဂါ၊ ဝမ်းပျက် ဝမ်းလျောရောဂါ နှင့် ကလေးငယ်များ၏ ပုံမှန် ကြီးထွားလာမှုကို နှောင့်နှေးစေခြင်းအပြင် ရောဂါပိုးများ အလွယ်တကူ ဝင်ရောက်လာနိုင်သောကြောင့် ဖျားနာခြင်းများကို ဖြစ်ပေါ်စေပါတယ်။

ဗီတာမင် အေ လွန်ကဲစွာ သောက်မိပါက-

သို့သော် ဗီတာမင်အေ သည် ဆီမှာ ပျော်ဝင်သော ဗီတာမင်ဖြစ်တာကြောင့် ကာလရှည်စွာ ပမာဏများစွာ သောက်သုံးမိပါက ဘေးထွက်ဆိုးကျိူးများကို ခံစားရနိုင်ပါတယ် ပျို့အန်ခြင်း၊ ခေါင်းမူးခြင်း၊ ခေါင်းကိုက်ခြင်း၊ အစားအသောက်ပျက်ခြင်း၊ ဗိုက်နာခြင်း စတာတွေ ဖြစ်နိုင်ပါတယ်။ ဒါကြောင့် တန်ဆေး လွန်ဘေး ဆိုတဲ့စကားအတိုင်း ဗီတာမင်အေကို လိုအပ်သလောက်သာ သောက်ကြပါရန် အကြံပြုလိုက်ပါတယ်။