Glutathione

ဂလူတာသိုင်အုန်း (Glutathione)

ဂလူတာသိုင်အုန်း (Glutathione) ဆိုတာ တကယ်တန်းတော့ ဓာတ်တိုးဆန့်ကျင်မှုသတ္တိကောင်းတဲ့ ဓာတ်ပစ္စည်းတစ်ခုဖြစ်ပါတယ်။ တချို့ကလည်း ဂလူတာ လို့ အတိုကောက်ခေါ်ကြတဲ့ ဂလူတာသိုင်အုန်း ဟာ ဓာတုပစ္စည်းတွေနဲ့ ဆေးဝါးတွေကြောင့်ဖြစ်လာတဲ့ ခန္ဓာကိုယ်တွင်းမှ အဆိပ်အတောက်များကို ချေဖျက်ပေးပါတယ်။

အသက်ကြီးလာတာနဲ့အမျှ ဂလူတာသိုင်အုန်းကို ခန္ဓာကိုယ်က ထုတ်လုပ်နိုင်စွမ်းလျော့ကျလာပါတယ်။ နေထိုင်မကောင်းဖြစ်တဲ့အခါမှာလည်း ဂလူတာသိုင်အုန်းဓာတ်လျော့နည်းသွားတတ်ပါတယ်။ 

• ကင်ဆာရောဂါ
• HIV/AIDS
• သွေးချိုဆီးချိုရောဂါ
• အသည်းရောင်ရောဂါ
• ပါကင်ဆွန် (Parkinson) ရောဂါ စသည်တို့ဖြစ်တဲ့သူတွေ
• အချိုအစားများသူများ
• ပဋိဇီဝပိုးသတ်ဆေးများစွာ သောက်သုံးရသူများ စသည်တို့မှာ ဂလူတာသိုင်အုန်းက သိသိသာသာလျော့နည်းပါတယ်။ဂလူတာသိုင်အုန်းချည်းပဲသီးသန့်ကို အားဖြည့်ဆေးအနေနဲ့သောက်ရင် အစာအိမ်မှ အင်ဇိုင်းများရဲ့ ချေဖျက်မှုကြောင့် အာနိသင်လျော့နည်းလွယ်ပါတယ်။ ဒါပေမယ့် ဂလူတာသိုင်အုန်းကို ဘာလို့ဖြည့်စွက်စာအဖြစ်သောက်ကြတာလဲ?
• ဓာတ်တိုးဆန့်ကျင်သတ္တိကောင်းခြင်း
• အဆိပ်အတောက်များကို ပြေစေခြင်း
• ကိုယ်ခံစွမ်းအားကို ကောင်းစေခြင်း
• သိပ္ပံနည်းကျလေ့လာနေဆဲဆိုပေမယ့် ဂလူတာသိုင်အုန်းက ကင်ဆာဓာတ်ရောင်ခြည်ကုသခြင်းနှင့် ကင်ဆာဆေးသွင်းကုသမှုများ၏ နောက်ဆက်တွဲဆိုးကျိုးများကို သက်သာစေတယ်လို့ ဆိုကြပါတယ်။

ခန္ဓာကိုယ်ကနေ ဂလူတာသိုင်အုန်း ထုတ်လုပ်မှုကို အားပေးတဲ့ ဓာတ်များမှာ - 

• နနွင်း (curcumin)
• N-acetylcysteine
• ဆီလီနီယမ် (Selenium)
• ဆီလီမာရင်း (Silymarin)
• ဗီတာမင် စီ (Vitamin C)
• ဗီတာမင် အီး (Vitamin E) တို့ဖြစ်ပါတယ်။