အသက်အရွယ်အလိုက်သံဓာတ် လိုအပ်ချက်များမှာ-

မွေးစမှ - ၆ လအထိ - 0.27 mg

၇ လ မှ ၁၂ လအထိ - 11 mg

၁ နှစ် မှ ၃ နှစ်အထိ - 7 mg

၄ နှစ် မှ ၈ နှစ်အထိ - 10 mg

၉ နှစ် မှ ၁၃ နှစ်အထိ - 8 mg

၁၄ နှစ် မှ ၁၈ နှစ်အထိ - 15 mg (အမျိုးသားများ - 11 mg)

၁၉ နှစ် မှ ၅၀ နှစ်အထိ - 18 mg (အမျိုးသားများ - 8 mg)

ကိုယ်ဝန်ဆောင်နေစဉ် - 27 mg

နို့တိုက်မိခင် - 10 mg

အသက် ၅၀ နှင့် အထက် - 8 mg တို့လိုအပ်ကြပါတယ်..

• သံဓာတ် အားနည်းလာမယ်ဆိုရင်တော့ သွေးအားနည်း ရောဂါ လက္ခဏာများကို ခံစားရနိုင်ပါတယ်။ သွေးအားနည်းခြင်းကြောင့် မောပန်းခြင်း၊ ရင်တုန်ခြင်း၊ အားအင် ကုန်ခမ်းခြင်း၊ အသားအရေ ဖြူဖတ်ဖြူရော်ဖြစ်ခြင်း၊ အသက်ရှူမဝခြင်း၊ ခြေလက်အေးခြင်း၊ ခြေသည်းလက်သည်း ကြွတ်ဆတ်ခြင်း၊ ဆံပင်ကျွတ်ခြင်းများ ခံစားရနိုင်ပါတယ်။ သေချာစွာမကုသပါက ပိုမိုဆိုးရွားလာနိုင်ပြီး အသက်အန္တရာယ်ကိုပင် ထိခိုက်နိုင်ပါတယ်။
• ကိုယ်ဝန်ဆောင် မိခင်တွေများမှာ သံဓာတ်ကို ပိုပြီး လိုအပ်ပါတယ်။ သံဓာတ်ချို့တဲ့ပါက ကျန်းမာရေးကိုထိခိုက်လာနိုင်သလို ပေါင်မပြည့်သော ကလေးကို မွေးတတ်ပါတယ်။ ဒါ့ကြောင့် ကိုယ်ဝန်ရှိနေစဉ်ကာလမှာ သွေးအားမနည်းစေဖို့ သံဓာတ် ကြွယ်ဝတဲ့ အစားအစာတွေကို စားသုံးရပါမယ်။
• ကလေးများတွင်လဲ သံဓာတ်ချို့တဲ့ပါက သွေးအားနည်းလာပြီး မလန်းဆန်းခြင်း၊ မကြာခဏ ဖျားနာခြင်း၊ ဦးနှောက်နဲ့ ကိုယ်ခန္ဓာ ပုံမှန် မကြီးထွားနိုင်ခြင်းများ ဖြစ်ပေါ်တတ်ပါတယ်။

သံဓာတ် အားကောင်းအောင် ဘယ်လိုအစားအစာတွေကို စားကြမလဲ?

ပဲအမျိုးမျိုး၊ အစိမ်းရောင်အရွက်များ (ဟင်းနုနွယ်ရွက် ပန်းဂေါ်ဖီစိမ်း၊ မုန်ညှင်းရွက်၊ ကန်စွန်းရွက်၊ ချဉ်ပေါင်ရွက်)၊ အာလူး၊ အသည်း နဲ့ သွေးခဲ၊ အမဲသား၊ ဆိတ်သား၊ ကြက်ဥ၊ ငါးတို့မှာ သံဓာတ် ကြွယ်ဝစွာပါဝင်ပါတယ်။ ခန္ဓာကိုယ်မှ သံဓာတ် စုပ်ယူမှု အားကောင်းစေရန် သံဓာတ် ကြွယ်ဝသော အသီးအရွက်များကို အသား၊ ပင်လယ်စာ သို့မဟုတ် ဗီတာမင် စီ ပါတဲ့အသီးအနှံများနှင့် အတူ တွဲစားသင့်ပါတယ်။

အကယ်၍ သင်ဟာ အမျိုးသမီး တစ်ယောက် ၊ အထူးသဖြင့် ကိုယ်ဝန်ဆောင်အမျိုးသမီး (သို့မဟုတ်) ကလေးယူဖို့ စဉ်းစားနေတဲ့သူဆိုရင်တော့ သံဓာတ်ကို ပိုလို့ လိုအပ်ပါတယ်။ အစားအစာထဲမှ လိုအပ်တဲ့ သံဓာတ်ကို မရနိုင်ဘူးဆိုရင်တော့ ဖြည့်စွက်အနေဖြင့် အားဆေးများကို သောက်သုံးခြင်းဖြင့်လည်း ပြန်လည် ဖြည့်တင်းနိုင်ပါတယ်။